Guida entar editor d'ODP

Concèptes basics d'edicion
Introduccion
Sitis entà includir
Règles entà sitis especifics
Descripcion des sitis
Critèris generaus d'edicion

Concèptes basics sus es categories
Introduccion
Subcategories
Ligams@ (Symlinks)
Categories relacionades
D'autes manères d'organizar es sitis

Informacion addicionau
Spam
Robozilla
Usatgèrs des donades der ODP
Editors Meta
Aspèctes generaus dera comunicacion

Concèptes basics d'edicion

Aguesta seccion explique es dus metòdes qu'auem entà híger sitis ath directòri e descriu es intencions deth projècte entad açò qu'ei as sitis que cau includir, com s'aurien de descríuer e d'auti trèts generaus.

Introduccion

Entratz des dera plana de presentacion de dmoz.org. Tanlèu que vos registretz, accediratz ara plana de contròtle der editor. Aguesta plana includís ua lista damb es categories que podetz modificar. Clicatz ena categoria que vos agradarie modificar. I a dues manères d'agregar sitis ara sua categoria: podetz revisar es sitis enviats o cercar sitis peth vòste compde entà higer-les en directòri.     

Sitis enviats

Podetz modificar es sitis qu'agen estat enviats entara sua categoria en tot clicar en "5. Sitis sens revisar" ena pantalha d'edicion dera categoria. En aguesta pantalha poderatz modificar eth títol e era descripcion. Se desiratz consultar eth siti, clicatz ena paraula "URL", qu'ei plaçada ena part superiora esquèrra dera pantalha, entà que se daurisque eth siti ena hièstra actuau. O ben, clicatz en "naua" entà visualizar eth siti en ua auta hièstra. Comprovatz qu'eth siti existís e qu'a relacion damb era categoria entara quau a estat enviat. Eth contengut deth siti a d'èster util; maugrat qu'ei important d'aumentar eth nombre de sitis deth directòri, tanben ei de besonh assegurar-ne era qualitat.      

Addicion de naui sitis

Se pòden híger naui sitis ath directòri des dera interfícia d'editor en tot escríuer era adreça URL en camp ath cant de "1. Agregar un nau siti". Ath delà, se i includirà per defècte informacion sus eth siti web, ja sigue a compdar deth títol, deth mercador de descripcion o des prumères linhes deth tèxte deth siti. Damb aguesta airina se poderàn modificar autant es títols com es descripcions. En aguesta pantalha tanben se vos informarà se ja existís eth siti en ua auta categoria deth directòri.      

Sitis entà includir

Cap de siti non a garantit un lòc en Open Directory, e eth projècte depen deth bon sen des sòns editors. Eth nòste objectiu qu'ei hèr der ODP eth recors mès util en Internet. S'un siti web demore encara en bastisson o non possedís contengut pròpri o quauque valor entar usatgèr deth directòri, non serà un bon candidat entar Open Directory. Volem auer eth directòri mès complèt deth mon, damb contengut de qualitat. Ací qu'auetz quauqui itèms que cau considerar quan s'analise un siti entara sua possibla inclusion en directòri:       

• Eth siti ei ric en contengut?                
• Eth contengut deth siti non figure ja en un aute siti dera madeisha categoria?        
• Ei actualizat? Semble qu'ei ben mantengut?        
• Ei atractiu entàs usatgèrs? Li hig diuersitat ara categoria?

En resumit, demanam as nòsti editors que mantenguen era objectivitat editoriau e que hèsquen tostemp un bon us deth sentit comun..      

Règles entà sitis especifics

Ara seguida trobaratz quauques règles relacionades damb es sitis que se higen. Aguestes règles ajudaràn a assegurar qu'eth materiau hijut ar ODP complís damb es intencions deth directòri.

Ligams afiliats

Son ligams referits a un siti comerciau qu'includís generaument un identificador d'afiliacion com AffiliateID=19555&ProductID=508. Era persona de qui figure era identificacion en ligam obtié ua comission se quauquarrés crompe un producte qu'aufrís eth siti dempús d'auer seguit eth ligam. Un siti que liste ligams afiliats, ath delà de d'auti contenguts (com un siti de fans d'un cantant qu'a entrevistes, fòtos e un ligam afiliat entà crompar eth CD deth cantaire), pòt èster acceptable entath directòri. Es sitis que consistissen sustot en ligams entà crompar libres, CD, o d'auti productes, que non an contengut pròpri non s'an d'includir en directòri.     

Sitis miralh
Son sitis qu'an eth madeish contengut qu'un aute mès enes quaus se i accedís per miei d'un aute URL. En generau, non s'an de listar sitis miralh en ODP, pr'amor que se tien generaument entà aumplir eth directòri damb eth contengut d'un solet siti. Açò se coneish coma spam. Guardatz, se vos platz, era seccion sus spam se voletz conéisher mès detalhs dera politica der ODP respècte d'açò.     

Exemple: http://www.dmoz.org
                http://www.dmoz.org/index.html

Marquèting multinivèu e esquèmes de piramides
Eth marquèting multinivèu (MLM que son es sigles en anglés) ei un sistèma de venta a on es venedors receben ua compensacion o comission pera venta dirècta de bens e servicis a consumidors e pes ventes hètes pes persones qu'eri recrutèren en plan. En aguest cas, es representants o distribuidors les cau listar ena madeisha categoria qu'era companhia representada. Guardatz, se vos platz, era següenta categoria en anglés qu'a MLMs: Business/Opportunities/Networking-MLM/Independent_Representatives/.

Cada siti/representant a d'indicar eth nòm dera companhia que represente, pr'amor qu'atau se pòt listar apropriadament. A cada representant se li permet ua entrada per companhia representada. Entà assegurar qu'açò sigue atau, sonque se listaràn es sitis que mòstren eth nòm dera companhia ara quau represente.

Es sitis d'"esquèmes de piramides," "nòtes en cadea," o "jòcs per sòs" non s'an d'agregar en directòri pr'amor que pòden violar er Estatut dera US Postal Lottery (18 USC1302). Era Federacion Mondiau d'Associacions de Venta Dirècta definís un esquèma de piramida com un "esquèma en quau qui entre pague (un pagament iniciau) pera oportunitat de recéber beneficis futurs (sòs o privilègis) que se genèren a compdar dera introduccion de participaires addicionaus en esquèma per part deth prumèr que i entrèc o d'auti participaires qu'aguest age hèt entrar en esquèma, en lòc dera venta de productes o servicis a consumidors." Guardatz, se vos platz, eth siti en anglés   WFDSA se voletz mès informacion sus aguest tèma.

Sitis en idiòmes diferents der anglés
Aguesti sitis auràn d'èster enviats tara subcategoria mès precisa dera categoria World. Se trobatz un ligam que non ei en anglés en ua categoria dehòra de World, manatz-lo, se vos platz, entara categoria apropriada dejós de World. Per exemple: un siti en espanhòu sense revisar ena categoria Arts/Music/Bands_and_Artists, cau que sigue enviat sense revisar tara categoria World/Español/Artes/Música/Bandas_y_artistas. Se non podetz determinar era categoria que correspon ad aguest siti, manatz-lo entara categoria World/(Idiòma) sense revisar. Se non coneishetz er idiòma, podetz mòir eth siti enquiara categoria World sense revisar. Se vos platz, adjunhetz ua nòta en camp de nòtes entà informar deth moviment as editors en World.

Se permet qu'un editor agrègue coma categories relacionades es categories de World que tracten deth madeish tèma. S'era quantitat de categories deveng de mau tier, se pòt crear ua categoria que sonque contengue ligams @ entàs categories apropriades de World, per çò que non pòt contier pas cap de siti listat.

Sitis entà adults
Era categoria Adult possedís etiquetes PICS entà qu'es navegadors destinats entara mainadèra non accedisquen ad aguesta part deth directòri. Era categoria Adult (a on son plaçadi aguesti sitis) non apareish ena plana principau der ODP e non apareisherà tanpòc enes recèrques se non tietz era paraula "reservada entà adults" o emplegatz era opcion de recèrca auançada. Toti es sitis de sèxe explicit qu'an d'estar ena categoria Adult. Se trapatz quauque siti damb contengut entà adults en ua auta categoria, o recebetz un siti deth madeish tipe, manatz-lo, se vos platz, tara categoria corresponenta d'Adult. Es sitis entà adults en d'autes lengües que non siguen er anglés auràn d'anar ena categoria Adult/World/(idiòma). Per exemple, es sitis damb contengut entà adults en espanhòu an d'estar en Adult/World/Español. Guardatz era guida oficiau   en anglés entara categoria Adult e es preguntes frequentes   (tanben en anglés) se voletz conéisher mès detalhs des sitis entà adults.     

Sitis illegaus

Com qu'er ODP a de respectar es leis des EEUU, es sitis qu'enfranhen aqueres leis non s'an de listar, en particular aqueri que, damb intencion e substanciaument distribuïssen materiau illegau. Que son illegaus era violacion des drets d'autor, un certan tipe de pornografia e es menaces de mòrt. Era legalitat o illegalitat d'un siti se base ena legalitat o illegalitat deth tèma que tracte. S'auetz bèth dobte, rebrembatz que non auratz de listar pas es sitis que viòlen clarament es leis des EEUU o es internacionaus..

Exemple: Un siti en contra der avòrtament que liste es nòms de mètges que se dediquen ad aguesta practica serie corrècte, mès un siti que liste es nòms e adreces de mètges que practiquen er avòrtament en un contèxte en quau demore implicita ua accion en contra d'aguesti, non s'aurà de listar pas.

Quauques nacions dehòra des Estats Units cerquen exercir jurisdiccion en sitis disponibles enes sòns païsi. Aguesta jurisdiccion s'esten entà sitis com es der ODP que simplament listen e descriuen d'auti sitis. Es editors auràn de complir alavetz es leis des sues pròpries jurisdiccions entad açò qu'ei listar diuèrsi tipes de sitis web.

En tot seguir aguesti critèris, es editors non auràn d'usar nòms entà subcategories que poguen suggerir faussament ua categoria damb ligams entà sitis de contengut illegau (p. ex., "Warez" o "Bootlegs") o favorisquen activitats illegaus. Parièrament, es descripcions der ODP non an de suggerir qu'un siti ei d'ajuda en un ensag de cométer actes illegaus o d'obtier contengut illegau, atau com suggerir era intencionalitat de quauque editor o der ODP en promocionar actes illegaus o ena distribucion d'aguesti materiaus.

Era potenciau illegalitat d'un determinat siti qu'ei soent de mau avalorar e demane revision cas per cas. Es editors an d'èster liures de consultar damb eth personau d'ODP (staff) aguesti ahèrs. Eth personau d'ODP se sauve eth dret d'eliminar o modificar sitis segon era sua volentat.Eth personau d'ODP premanís un FAQ (preguntes mès frequentes -des sigles en anglés) oficiau sus sitis e d'auti ahèrs illegaus. Un ligam serà provedit quan sigue prèst. Mentretant, se vos platz, dirigitz-vos ath personau der ODP e hètz-les es preguntes o demanes qu'ajatz entad açò qu'ei a (reaus o potenciaus) sitis illegaus.        

Notificacions como se siguessen sitis
Estatz-vos, se vos platz, de crear entrades en directòri qu'en realitat son nòtes o messatges dirigits a editors o usatgèrs deth directòri qu'envien es sòns sitis, ja siguen es messatges oficiaus o personaus. Maugrat que son ben intencionades, aguestes notícies se compilen laguens deth dump en format RDF, que lo tien fòrça companhies qu'aufrissen motors de recèrca e directòris. Es notícies pèrden eth sòn significat perqué se tròben dehòra de contèxte entàs usatgèrs d'aqueri directòris, e les hèn a confóner. Nòta: Eth personau d'ODP desvolope un utís entà adaptar aguestes notícies.     

Exemple:
REMÈRCA IMPORTANTA - Se vos platz, non envietz sitis tad aguesta categoria.

Ligams de resulta de recèrques
Es entrades deth directòri an d'amiar ar usatgèr entà un siti concrèt. Non s'a de listar coma siti eth resultat d'ua recèrca, ja sigue de d'auti directòris, dmoz.org o motors de recèrca. En quauqui casi plan particulars se pòt agregar un listat de ligams que consistís en resultats de recèrques de hònts de contengut especializat, maugrat qu'açò non se recomane pas. En cap de cas non s'an de listar coma entrades es resultats des recèrques en dmoz.org.

Listat de productes
Non s'an d'agregar ar ODP es planes de productes individuaus. Er objectiu der ODP non ei pas copiar un catalòg de productes d'ua empresa. Es sitis que se dediquen ara distribucion d'un unic producte les cau escartar, sustot se son sitis afiliats o s'eth siti ei simplament un distribuidor d'un fabricant que ja se tròbe listat en directòri.

Diuèrses aparicions deth madeish URL
Era majoria de còps, un siti sonque lo cau includir en ua categoria der Open Directory Project. Totun, a viatges, eth siti poderie estar listat en mès d'ua categoria. Aguesti sitis s'an de limitar ad aqueri qu'an valor entar investigador e/o comprenen diuèrsi tèmes de manèra qu'ua categoria non ei sufisenta entà descríuer eth contengut deth siti. Tanben i pòt auer casi a on eth siti se poderie listar en ua categoria generau e ua de regionau, com per exemple un siti sus un equip esportiu professionau. Tietz en compde, se vos platz, qu'es listats multiples son era excepcion e non pas era règla. Ara seguida vos mostram quauqui exemples de sitis que se poderien listar mès d'un còp.     

Exemple:
Infoguida mainadèra - Un siti de referéncia entara mainadèra a on se i pòt trobar ajuda entàs déuers dera escòla e informacion sus milèrs de tèmes, qu'includissen espòrts, léser, geografia, istòria, biografies, educacion e salut.
Home fair.com - Ua complèta informacion que compren ua varietat de tèmes. Includís un calculador de salari entà comparar eth còst dera vida entre viles e païsi, un aute que permet determinar qué podetz aquesir, e ua calculadora de desmenatge entà saber es despenes d'enviament interestatau des bens dera casa.

Deep linking un URL

Deeplinking qu'ei eth procès d'addicionar ligams a subplanes laguens d'un siti. Ena grana majoria des categories e divisions, deeplinking ei era excepcion ara règla. Deeplinks a d'aufrir contengut unic e de besonh entà quauqua categoria en particular. Non i a règles estrictes entad açò qu'ei ath tipe de siti qu'aurie o non aurie d'èster deeplinked. Aprovedir deep links, de bèra manèra, a sitis qu'aufrissen contengut extrèmament util e unic pòt híger valor ath directòri en quauqui casi (ex. Categories damb contengut limitat, e a on aquerò interessant de çò qu'ei disponible demore amagat laguens de sitis web). Es editors qu'an d'aplicar eth sòn sen quan higen deeplinks a quauque URL. Se non n'ètz segurs de higer-lo o non, consultatz editors experimentats, com es "meta" o "editall" entà demanar-les conselh e ajuda. Fin finau, quinsevolha decision sus deeplinks demore assubjectida ara aprobacion deth personau der ODP.
 

Descripcion des sitis

Quinsevolh siti que sigue listat a d'auer ua apropriada descripcion e títol. Aguesta seccion aufrís instruccions especifiques entara addicion de títols e descripcions apropriades. Nòta: En generau, serà de besonh editar títols e descripcions que vien des "metaetiquetes".

Títols     
Eth títol a d'èster informatiu e concís. S'eth títol, per defècte, non descriu de manèra apropriada eth siti, ua alternativa que pòt èster tier eth títol qu'apareish en consultar per títol o eth nòm de (naut). Ara seguida vos remercam quauques règles addicionaus.

• Es títols des sitis e es categories an d'èster establits cossent damb çò qu'establissen es normes ortografiques der aranés.
• Non escriuetz eth títol sancer en majuscules ne acabetz damb un signe d'exclamacion ne cap aute signe de puntuacion que non sigue de besonh.
• Deishatz de costat es letres e es simbèus que non siguen de besonh. Es sitis se placen alfabeticament e, a viatges, es usatgèrs sagen de plaçar-se ath començament dera lista de manèra desleiau. S'eth títol renviat ei "aaa Siti Web" mès eth siti se ditz reaument "Siti Web", non i includitz "aaa".
• Eth títol non a d'includir paraules e frases coma "benvengut entà", "en linha" o "plana de presentacion".

Exemples de títols

Incorrècte: ¡¡¡Benvengut entath siti en linha de Prevencion dera contaminacion!!!
Corrècte: Prevencion dera contaminacion             

Incorrècte: PREVENCION DE CONTAMINACION
Corrècte: Prevencion dera contaminacion

Descripcions
Era descripcion mos balhe informacion especifica sus eth siti. Ua descripcion com aguesta: "Siti plan complèt que compren informacion biografica, letres de cançons, fragments d'entrevistes e mòstres de son" resulte mès utila que díder "Siti sus er artista. Ben dessenhat". Es usatgèrs an d'èster capables de trobar eth siti que cerquen a partir des descripcions.

• Remercatz aquerò que distinguís un siti des auti.
• Non i includitz cap de tipe de lenguatge promocionau.
• Non hetz referéncia a cap de contengut obtengut illegaument.        
• Resumitz eth contengut en ua descripcion concisa (ua o dues linhes) e utila.
• Non repetitz era ciutat, estat, país o quaussevolha auta region geografica ena descripcion s'apareish coma part deth títol o era rota dera categoria.
• Non repetitz eth títol deth siti o era categoria.     
• Estauviatz-vos de tier abreviatures e acronims se non son fòrça coneishuts.      
• Non empleguetz frases que comencen damb: "Aguest siti ei...".
• Non hetz a servir puntuacion enfatica (!!!), majuscules entà balhar enfasi, eth signe & ne ellipsis (...) enes descripcions.
• Non i includitz: adreça fisica o electronica, era gessuda mès a pròp ena autopista, numeròs de telefon o fax, instruccions d'emplec de maquines contestadores, oraris d'operacion, prètzi e d'auti URL.                 
• Utilisatz ua estructura logica enes frases e era puntuacion corrècta.
• Es descripcions son en tresau persona, per tant, non i includitz pronòms coma "nosati", "nòste", "jo", "mèn" e parièrs.
• Es descripcions non an d'includir cites deth siti (com ua braca cita de çò que tracte eth siti o airaus d'informacion similars).       
• Acabatz tostemp es frases damb punt.
• Revisatz era ortografia, revisatz era ortografia, abantes de sarrar eth boton "Actualizar".

Exemples sus musica: (Eth títol deth siti a d'èster eth nòm deth grop o der artista, prumèr es cognòms seguits deth nòm pròpri.)
Buenos Aliens - Donades sus era scèna dera musica electronica ena ciutat de Buenos Aires. Transmissions en viu cada dimèrcles des melhors DJs.

García, Charly – Cantautor argentin representant dera generacion deth ròck en espanhòu ena America Latina.

Exemples sus espòrts:
Fotbòl mondiau - Toti es campions des campionats de fotbòl mès importants deth mon a nivèu locau e internacionau.

Camp "ODP Note" (nòtes)
Tietz aguest camp entà comunicar as auti editors quaussevolha informacion importanta sus era edicion d'un siti. Aguesti son quauqui exemples dera sòrta de comentaris que se pòden includir en aguest camp: "Entrada duplicada", "Mòir de Sense revisar dera categoria X entà Sense revisar dera categoria Y", etc.                                                                           

Camp "Date" (data)
Aguest camp sonque se tie entàs referéncies de mieis de comunicacion, com articles o resumits de notícies. Es elements damb data se placen per data e non pas alfabeticament. S'acorròpen ena part inferiora dera plana, dejós des sitis que non pòrten data. Es sitis datats non se pòden remercar coma plan interessants.

Non empleguetz aguest camp entà includir era data ena quau se modifiquèc per darrèr còp eth siti ne entà mercar entrades que se consideren (de bèra manèra) petjors qu'es autes.

Critèris generaus d'edicion

Opinions personaus
Quan escrigatz era descripcion d'un siti non mostretz era vòsta opinion. Quan descriguetz eth sòn contengut, auetz d'èster tant objectius com sigue possible. Ei corrècte nomentar s'eth siti includís quauqui elements HTML o complements (Frames, RealAudio, etc.), mès sense hèr a conéisher era vòsta opinion.

Contengut Inapropriat

·        ODP sonque serà util s'es sitis son agregats ena categoria mès apropriada segontes eth sòn contengut.

·        Se consideratz qu'un siti non ei apropriat entara sua categoria, pensatz se convierie renviar-lo entà ua auta. Se non confiatz ena vòsta objectivitat, podetz demanar as auti editors que consulten eth siti.

Sitis plan interessants
Un siti que subergés des auti dera sua categoria o qu'ei eth mès complèt sus un tèma se pòt mercar coma "plan interessant".

En teoria, com qu'eth siti plan interessant se considère eth melhor dera sua categoria, sonque n'i poderie auer un. Totun, auer dus sitis plan interessants que pòt èster apropriat en quauques circonstàncies.      

Ei contrari ara politica der ODP qu'es editors mèrquen sitis pròpris o bèth aute damb es quaus podessen estar relacionats coma "sitis plan interessants". Hè'c pòt comportar era retirada.        

Nòta: Tietz, se vos platz, era classificacion de siti plan interessant en lòc de crear categories nomentades "Eleccions der editor".

Concèptes basics sus es categories

Introduccion

Es sistèmes ierarquics de categories, com eth que ten ODP, s'an nomentat tradicionaument sistèmes de classificacion. Totun açò, mercés ara organizacion des recorsi d'Internet s'a començat a tier ua auta terminologia e d'autes manères de descríuer es classificacions. Taxonomia e ontologia son dus tèrmes mès, que se tien entà descríuer eth trabalh d'organizar categories. Quan vos trobetz damb aguesti tèrmes, tietz en compde que s'empleguen coma sinonims. Basicament, er objectiu de desvolopar ua estructura de categories ei elaborar un sistèma que permete as usatgèrs trobar materiau d'ua manèra simpla.

Cap d'editor non ei proprietari dera sua categoria. Inclús s'ei er unic editor que figure ena categoria, d'auti editors poiràn modificar o higer-i sitis. Entre aguesti editors s'includissen es de categories principaus e es Editall.

Se desiratz hèr modificacions ena vòsta categoria coma crear subcategories o renviar sitis entà d'autes categories, auetz de comunicar aguesti cambis as auti editors abantes de hèr-les. Inclús s'ètz er unic editor d'ua categoria, auetz d'informar d'aguesti cambis as editors de categories principaus. Era melhor manèra de hè'c qu'ei per miei deth corrèu electronic o en tot publicar es cambis prepausats en fòrum d'editors corresponent.

Subcategories

Creacion de subcategories
Començatz a pensar de crear categories quan ajatz 20 o mès ligams laguens dera vòsta categoria. Per règla generau, es subcategories non s'an de crear enquia que non agen un minim de 20 ligams ena categoria. Quan les ajatz remassat, poiratz èster capables de distinguir es grops de ligams qu'encaisharien en diuèrsi subtèmes e facilitar atau era sua classificacion. Rebrembatz qu'un numerò fòrça gran de ligams hè de mau cercar ar usatgèr eth recors o recorsi desirats.

Pas tostemp ei possible crear subcategories, ja que i aurà categories que non se poderàn dividir en subcategories. Per exemple, era categoria Top: Shopping: Homes: Beds and Bedding contié mès de 50 ligams entà magazèms de venta de lhets e accesòris. Ei de mau dividir en subcategories per tèmes pr'amor deth tipe de producte (matalassi, somièrs, cobrelhets, etc.) ja que toti es magazèms sòlen auer diuèrsi tipes de productes.

1. Comprovatz s'existissen categories duplicades o relacionades:

Cercatz o exploratz a trauèrs d'ODP pes seccions laguens e dehòra dera sua categoria principau en recèrca de seccions susceptibles de duplicar-se. Demanatz-vos: "Era mia subcategoria apertié a diuèrses disciplines? S'ei atau, en quines autes seccions poderien classificar-se es sòns recorsi?" Se i a ua subcategoria en un aute airau d'ODP que sigue parièr ara mia subcategoria, auria de crear un ligam de categoria relacionada? Auria de crear un ligam@? (Consultatz tanben Ligams@ mès enjós.)

2. Nòms de subcategoria per tèma deuant de nòms de subcategoria per forma:

S'es recorsi an relacion damb d'auti peth tèma (p. ex. sitis sus era Guèrra Civiu o sus capitau de risc), trigatz un nòm segontes es critèris que seguissen:                                                                 

1.      Definitz eth tèma damb un mot anglés o er equivalent en anglés dera paraula en aute idiòma tostemp que sigue possible e apropriat. Entad açò qu'ei a quauques categories, convié utilizar paraules de d'auti idiòmes; un exemple ei eth des sitis sus sciéncies enes quaus s'acostume a identificar eth tèma damb paraules en latin.

2.      Quan seleccionetz ua paraula entà descríuer eth sòn tèma, consultatz un diccionari especializat en aquera tematica o un diccionari d'us reconeishut, e tanben es notícies o documents que tracten sus aqueth tèma. Sajatz d'usar era paraula pera quau ei mès coneishut (p. ex., tietz E-Commerce en lòc d'Electronic Commerce).

• S'es recorsi an relacion damb d'auti pera forma (p. ex., chats e tablèus, sitis de notícies, directòris), sajatz d'elegir era paraula que s'acostume a emplegar mès soent en d'auti airaus dera sua categoria principau.

3. Elements que cau evitar quan creem nòms de subcategoria:

• Non usetz acronims o abreviacions se non son fòrça coneishuts.
• Non tornetz a plaçar eth nòm dera categoria principau en nòm dera subcategoria.                                                                                       

Exemples:
Grop de sitis sus notícies comerciaus laguens dera categoria  Top:Negòcis                                                                                              

Non tenguetz: Negòci internacionau
: Comèrç internacionau

·     Non creetz categories damb nòms coma: "Generau," "Miscellanèa," "D'auti tèmes" o bèra auta varianta qu'implique era idia d'un amàs de ligams generaus o non relacionadi. Es ligams d'aguestes categories generaus, o qu'ac remassen tot, les cau plaçar ath començament dera categoria tematica mès adequada o ben ena subcategoria tematica corresponenta.

Directòris deuant de recorsi:

Diuèrses categories d'ODP s'an creat entà enumerar sitis que constituïssen directòris web o que contien recorsi que comprenen un airau deth tèma en particular. Es paraules "recorsi" e "directòris", a viatges que son sinonimes. Totun, les cau tier entà classificar dus tipes de sitis plan diferents. Ara seguida vos ensenham quina ei era finalitat des categories Directòris e Recorsi segontes eth personau d'ODP.                                                                              

Directòris: Se tien entà classificar sitis qu'includissen listes de recorsi classificades o en orde alfabetic relatiues a un airau deth tèma en concrèt.                           

Recorsi:Se tien entà classificar sitis que sagen d'aufrir ua vision generau d'un airau deth tèma en particular. Es sitis de recorsi sòlen includir informacion generau sus un tèma, proporcionen directòris, preguntes frequentes, chats e fòrums, publicacions, etc. Era majoria des sitis de recorsi an de figurar ena categoria deth tèma principau. S'aguesta categoria ei massa densa, es sitis se pòden plaçar en ua subcategoria nomentada Recorsi. Ara seguida vos balham quauqui exemples de sitis de recorsi. Un directòri de recorsi qu'ei com era sala de referéncies d'ua bibliotèca.                
http://homepages.go.com/~rdebari/Sunrise2New.html
http://www.siba.fi/Kulttuuripalvelut/music.html
http://www.workspace-resources.com/wr0000.htm
http://www.iemploy.com/main.html
http://www.golf.com/

·         Non tietz abreviacions ne simbèus entà representar paraules. Quauqui exemples que son: &, +, etc., -.                      

 Exemples:                          

Non tenguetz: Publicacions periodiques, revistes, etc.     

Tietz: Revistes

Non tenguetz: Notícies + Mèdias
Tietz: Notícies e mèdias

Subcategories regionaus

Era branca païsi der ODP ei eth lòc apropriat entà listar sitis sus ua region geografica especifica. En generau, es divisions tematiques der ODP contien sitis que non se limiten a un territòri geografic particular e er interès d'aguesti sitis ei globau. S'ètz interessats en crear un directòri entà recorsi regionaus e locaus, alavetz poderíetz considerar de convertir-vos en editor ena branca regionau. Un recors locau ei eth que compren un airau limitat, usuaument laguens d'un estat, província o quauque aute airau administratiu equivalent. Nosati demanam generaument as nòsti editors que non creen directòris regionaus entà recorsi locaus enes divisions der ODP. Es editors an de crear subcategories regionaus quan non foncione cap mès tipe d'organizacion. Liegetz, se vos platz, FAQ-Creacion e mantienement de subcategories regionaus jos Categories tematiques   se desiratz ua informacion mès detalhada.

Ligams@

Tanben coneishuts com "symlinks", connècten damb categories que poderien servir de subcategories dera categoria actuau. Aguesti ligams se coneishen perqué pòrten eth simbèu @, plaçat darrèr deth nòm dera categoria. I pòt auer fòrça ligams@ en ua soleta categoria. Es ligams@ se barregen damb es subcategories. S'auetz intencion de crear ua subcategoria naua e vo n'encuedatz qu'aguesta poderie duplicar es entrades d'ua categoria ja existenta, creatz un ligam@ damb aguesta categoria. Auer mès d'ua categoria damb es madeishi sitis implique mès trabalh entàs editors e un directòri mens practic entàs usatgèrs.                                                                               

Exemple: Arts/Arts_Sceniques/Mags@
                       

Aguest ligam@ amie ar usatgèr enquia Arts/Arts_Sceniques/Magia/Mags. Per tant, era categoria Mags@ der exemple ei un ligam@ entà Màgia/Mags e Màgia/Mags, ath còp, se connècte des d' Arts/Arts_Sceniques.

Creacion de ligams@
Entà agregar un ligam@ a ua categoria, anatz tara plana d'edicion d'aguesta categoria e clicatz en "[Agregar ligam@]", plaçat ara fin dera lista de subcategories. Emplegatz barres entà desseparar es categories ena rota dera categoria damb era quau desiratz crear eth ligam e remplaçatz es espacis deth nòm de categoria per junhents baishi ("_"). Ena plana d'editor, se non posseditz privilègis entà modificar un ligam@, "[Agregar ligam@]" vos apareisheràn en color nere aqueri que non podetz modificar pas.                                                                                                  

Suggeriment: Podetz *copiar* simplament eth títol dera categoria, per exemple: " World: Español: Computadoras: Internet: Buscando en Internet: Directorios e dempús *empegar* aguest títol en espaci en blanc "Categoria" deth formulari. Era majoria des sistèmes empleguen era orde "Ctrl+C" entà copiar tèxte e era orde "Ctrl+V" entà empegar-lo. Eth programa convertís automaticament es dus punts (:) seguidi d'espaci en barres e es espacis en junhents baishi. Qu'ei mès rapid e i a mens possibilitats d'enganhar-se. Sonque cau trèir era paraula "Top:" deth ligam entà qu'eth sistèma reconeishe era cadia dera categoria.

Eliminacion de ligams@
Eth boton "Eliminar eth ligam", plaçat ath cant des ligams@ dera plana der editor, non vò pas díder qu'aguest ligam lo calgue eliminar. Se clicatz en aguest boton per error (o volíetz eliminar un ligam@ e cambiatz d'opinion), clicatz en boton Anterior deth navegador. Qu'ei a díder, en clicar sus "Confirmar" o "Anullar" dera plana de sollicitud d'eliminacion, s'esfaçarà eth ligam@; mès se clicatz en boton entà retrocedir, eth sistèma ignorarà era sollicitud d'eliminacion.

Nòta: Ua sollicitud de ligam@ se pòt hèr a trauèrs d'un "editall" e editors "meta" en cada categoria a on non s'agen drets d'edicion e, segon vosati, un ligam d'aguest tipe pogue èster necessari. En fòrum i a ua discussion dedicada a peticions. Aguesta discussion se titole usuaument - Mòir/Renomentar/Esfaçar/Idiòmes Altèrns. Se vos platz, non creetz entrades que sonque consistisquen en ua nòta que suggerisque era creacion d'un ligam. Vos demanam que non inseritz ligams @ qu'amien entàs "preferits" d'editor. Es "preferits" der editor son airaus personaus de trabalh e non son d'accès public.
                                                          

Categories relacionades

Es ligams de categories relacionades amien entà categories germanes plaçades en d'auti airaus d'ODP. I a d'auer sonque ues pògues categories relacionades en cada subcategoria.

Creacion de categories relacionades
Se voletz crear un ligam de categoria relacionada, dirigitz-vos tara plana d'edicion dera categoria e clicatz en [Híger/eliminar categories relacionades d'Open Directory] e escriuetz es nòms des categories.

D'autes manères d'organizar es sitis

Barres alfabetiques
Non son pas era melhor manèra de classificar es sitis mès, en quauqui casi, son era unica manèra viabla. Aguestes barres s'emplegarien entà compilacions de ligams que non son pas de bon organizar en subcategories com, per exemple, es nòms d'artistes o autors. Sigatz plan prudents quan vos calgue decidir se tietz barres alfabetiques, pr'amor que non resulten practiques entà toti es usatgèrs, sustot quan non coneishen pas guaire era terminologia deth tèma.

Creacion de barres alfabetiques
En crear ua barra alfabetica, ordenatz totes es categories dera A ara Z. Quan ordenetz era darrèra, se dessepararàn automaticament en ua barra. Asseguratz-vos qu'es prumères letres (dera A ara Z) van en majuscules, senon non foncionarà.     

Se pensatz crear ua barra alfabetica, consultatz-ac damb es vòsti companhs editors entà determinar s'ei era melhor opcion entà classificar era subcategoria.

Opcion "orde de prioritat"

Era prioritat d'orde establís un grop especific de subcategories qu'apareisheràn en ua seccion a part, dessús des autes subcategories ena plana publica. Ua linha orizontau dessepare andús grops. Totes es categories son classificades alfabeticament.     

Us dera opcion "orde de prioritat"
Era prioritat d'orde la cau usar entàs categories "fondamentaus" des divisions que contien fòrça subcategories. Açò vò díder que s'enumeraràn ath començament dera plana es subcategories mès populares e soentades. Tanben se tie entà desseparar dus aspèctes diferents d'ua categoria. Se non i a guaires subcategories, dividir-les en dus grops non cambiarà pas massa era presentacion dera categoria.     

Establiment de prioritats
Entà establir es prioritats d'orde en ua categoria, anatz entara plana d'edicion d'aguesta categoria e clicatz en "Establir es prioritats d'orde".  Entà cada subcategoria e ligam@, seleccionatz eth "boton d'opcion" que correspongue ath nivèu que desiretz, ja sigue prumèr, dusau o tresau nivèu.

Critèris especifics dera categoria  

Es critèris der ODP s'apliquen a totes es subdivisions e categories deth directòri. Editors de bèth nivèu superior der ODP an creat eth sòn pròpri compendi de prioritats entà complementar es critèris generaus. Es guides de categoria balhen instruccions entà manejar ahèrs de taxonomia e ontologia referits ath tèma dera categoria. Ajatz en compde, se vos platz, qu'es critèris especifics non an de contradíder çò que ditz aguesta guida, e arren dera guida dera categoria non se pòt antepausar as lineaments der ODP.

Informacion addicionau

Spam

Se produsís quan s'envien planes parières tara madeisha categoria diuèrsi còps o quan un siti s'envie entà diuèrses categories incorrèctes. A viatges, es ligams des d'un siti web se placen en diferentes categories; per exemple, ua guida de restaurants se pòt classificar ena categoria dera guida dera ciutat, de nivèu superior, e en ua categoria diferenta. En aguesti casi, s'eth ligam de menor nivèu aufrís un contengut que resulte practic entà ua categoria en particular, andús ligams se pòden acceptar. Un aute truc entà aparéisher quauqui còps en directòri qu'ei enviar un siti damb mès d'un domèni registrat. Per exemple, Wonder Steak Company envie era adreça URL::   www.wondersteaks.com e tanben ua auta URL ,    www.steaksareus.com, qu'amie entara madeisha plana.                                                                                                             

Era politica d'ODP en relacion damb er spam
Eth nòste objectiu qu'ei mantier er ODP çò de mès liure possible de spam; era atencion des editors en aguest tèma qu'ei fondamentau entà arténher aguest objectiu. Ena seccion d'esturments entà editors ("Tools for Editors") i a ua lista de coneishuts spammers. Es sitis qu'inonden ("spam") eth directòri passen a ua lista nera e non seràn permetuts. Se trobatz quauque tipe de spam, en prumèr lòc manatz un messatge entà qui l'age manat e l'avertitz que se seguís damb aguesta practica, eth sòn siti serà retirat entà tostemp deth directòri. Li explicatz qu'ODP sonque sòu includir un siti per situacion e le demanatz que tròbe era categoria apropriada entath sòn siti. Higetz ua nòta sus eth siti entà qu'es auti editors sàpien qu' "a contaminat" ODP en passat. S'er expedidor insistís, manatz un messatge ath personau entà qu'eth siti se pogue proïbir. Es editors que faussifiquen sitis des sòns competidors o que contaminen eth directòri perderàn es sòns privilègis.    

Robozilla

Robozilla ei un programa qu'analise eth directòri periodicament en recèrca de ligams erronèus o obsolets. Robozilla detècte s'ua plana a cambiat de lòc o non se tròbe. Atau, es editors pòden corregir es errors trobats. Es còdis d'error de Robozilla son numeròs positius (màgers de 100) o negatius. Es numeròs positius indiquen errors en protocòl HTML, Robozilla se podec méter en contacte damb eth servidor mès non podec arribar ath document. Es numeròs negatius signifiquen que Robozilla non podec contactar pas damb eth servidor.

Solucion d'errors
Entà apariar un error, comprovatz prumèr dus còps eth ligam en tot clicar-i entà assegurar-vos qu'eth ligam reaument a deishat de foncionar.

• Tot soent, un ligam pòt demorar desactivat pendent pòc de temps e tornar a activar-se un shinhau mès tard. 
• A viatges, se l'amiarà entà un nau siti web. En aqueri casi, cambiatz era adreça URL deth registre entà que demore constància dera naua adreça. 
• Asseguratz-vos qu'er URL ei escrit corrèctament. 
• Comprovatz s'era pròpria adreça URL deth servidor respon. Se non respon, ei probable que se tracte d'un problèma passadís. 
• Comprovatz s'er usatgèr principau respon. Se non ac hè, auríetz de pensar en eliminar eth ligam ja qu'ei possible qu'er usatgèr demore inactiu de manèra permanenta. 

En tot que determinatz s'eth siti seguís actiu, retornatz eth ligam tara lista de sitis sense revisar o entàs sòns mercadors.

Usatgèrs des donades der ODP

Es donades der ODP son tengudes per diuèrsi sitis Web, motors de recèrca e directòris. Se pòt      trobar ua lista ací . Er ODP non contròtle quan aqueri sitis actualizen es donades. Guardatz, se ne voletz mès detalhs (en anglés), es preguntes e responses       e era licéncia  der ODP.                                                                                                          

Tipes d'editors

Entà completar era informacion entad aqueri editors qu'an permisi estandards entà editar sonque en categories entàs quaus an privilègis, er ODP a actuaument es tres tipes d'editors que seguís, es quaus complissen ua ampla varietat de trabalhs d'edicion e foncions de gestion ena comunitat.

Editors Editall
Un editor Editall pòt modificar quaussevolha categoria encara que non se tròbe ena sua lista, includida era categoria Test. Es editors Editall non pòden modificar es mercadors personaus de d'auti editors. Pòden eliminar categories uedes inclús se d'auti editors demoren encara coma editors dera categoria nomentada. En crear ua subcategoria naua, es editors Editall pòden indicar que s'assigne un solet editor automaticament coma editor d'aquera categoria.                                                                                                                

Editors Catmv
Aguesti editors pòden tornar a nomentar e mòir categories ath madeish temps, en tot mantier intactes toti es editors existents, es istoriaus d'edicions, es grops de notícies, es ligams@ e es categories relacionades. Es categories botjades per un editor Catmv dèishen un indicatiu dera naua adreça darrèr entà qu'es usatgèrs que vagen entara antica categoria siguen dirigits tara naua. Es editors Catmv possedissen es madeishi privilègis qu'es Editall. Editores CatMod Aguesti editors s'assignen a ua branca deth directòri e possedissen es madeishi privilègis qu'es Editall e Catmv mès sonque en ua branca.   Ath delà, pòden acceptar o refusar es sollicituds des editors laguens d'aquera branca.         

Editors Meta
Aguesti editors pòden acceptar o refusar es sollicituds des editors maugrat que non pòden eliminar es editors ja existents. Ath delà, an es madeishi privilègis qu'es editors Catmv e Editall.

Comunicacion e privacitat

Messatges as editors
En Open Directory Project se respècte era privacitat des editors e se les exigís qu'agen eth madeish respècte entàs auti editors. Fomentam era collaboracion entre eri com se siguessen un equip e sajam que i age ua bona comunicacion. Se quauque editor vò contactar damb es auti, a d'usar era foncion de comentaris ar editor plaçada en perfil de cada editor.           

Emplec des fòrums

Se voletz comunicar-vos damb es auti editors dera vòsta categoria, qu'ac podetz hèr a trauèrs deth fòrum. Podetz amassar es comentaris de d'auti editors en tot crear ua discussion en fòrum e enviant-les un messatge damb era URL dera discussion e demanant-les que responguen es questions plantejades (mès non pas per corrèu electronic). D'aguesta manèra, toti pòden participar ena discussion. Tanben se pòden extrèir suggeriments plan utils d'editors de dehòra dera sua categoria concrèta, mès que se passejauen peth fòrum. Quan se volguen recéber fòrça responses o quan eth tèma que se tractarà ei un cambi a grana escala que poderie tànher a un certan nombre d'editors, demanam que se manen messatges ara rèsta d'editors afectats (tietz en compde que quauqui editors non liegen es fòrums damb regularitat). Ath delà des fòrums des categories principaus en anglés, i a setze fòrums de caractèr generau e sèt en lengua non anglesa entàs categories World. S'era vòsta opinion sonque tanh a ua categoria principau, enviatz-la entath fòrum dedicat ad aguesta categoria. Ath delà des fòrums des categories superiores, i a setze fòrums en d'auti idiòmes qu'er anglés entàs categories deth mon e sies fòrums de finalitat generau. Tietz en compde, se vos platz que, encara qu'aqueri fòrums son utils, eth sòn contengut non reflectís pas necessàriament era politica oficiau der ODP.

Naui Editors- Ajuda a preguntes d'editors naui

Ontologia- Procèssi damb era estructura deth directòri en mès d'ua categoria.

Errors e foncions- Informacion d'errors e peticion per ua foncion d'edicion.

Cultura ODP- Conselhs entà editors e règles d'enròtlament.

Meta Editors- Un fòrum entà ahèrs especifics des editors editall/meta/catmv.

Generau- Compren discussions generaus qu'ua auta categoria non pòt pas contier.

Publicacions enes fòrums
Abantes de plantejar un debat nau, hetz a servir era airina de recèrca deth fòrum entà comprovar s'era vòsta pregunta ja s'a responut. Eth tèma dera vòsta publicacion a d'èster especific e explicit. Es lectors s'an de hèr ua idèa corrècta deth tèma que tracte er ahèr en liéger-lo, sense que calgue liéger era vòsta opinion. Eth debat a de tractar d'un unic tèma. En publicar ua responsa entath debat, indicatz eth tèma. Pensatz s'era vòsta responsa pòt resultar utila entàs lectors o serie mès practic enviar un messatge as editors afectats. Sigatz concisi enes vòsti comentaris e respectuosi quan vos comuniquetz damb es auti editors. Enviatz era vòsta responsa entà un solet fòrum.

Ligams d'ipertèxte enes fòrums
Se hètz allusion a ua categoria o siti en concrèt, includitz era URL. En escríuer "http://", eth programa convertirà automaticament en un ligam d'ipertèxte tot aquerò qu'escrigatz enquiath següent espaci. Es lectors poderàn clicar en aguest ligam entà veir de qué parlatz. Totun, tanben implique que non auetz d'escríuer pas http://dmoz.org,/  pr'amor qu'era virgula formarà part deth ligam e non amiarà entà cap de siti. Deishatz un espaci deuant e darrèr des ligams deuant deth signe de puntuacion.     

Privacitat en corrèu electronic e enes fòrums
Eth contengut deth fòrum d'editors d'ODP, es nòtes des editors e eth corrèu o es comentaris entre editors son entà us intèrn des editors d'ODP e es citacions textuaus non se publicaràn dehòra d'ODP. Qu'ei permetut parafrasejar sonque se non s'atribuís era comunicacion a cap editor especific o se revelar era sua identitat non supause ua violacion dera privacitat demorada per editor, en tot compréner qu'era eleccion diplomatica des paraules ei responsabilitat de qui parafrasege. Non se considère apropriat revelar era identitat o era adreça de corrèu electronic d'un editor d'ODP sense eth sòn consentiment.

Era violacion dera privacitat deth corrèu electronic o deth fòrum der ODP non serà tolerada e ei causa de retirada e de possibla accion legau.

Netscape Communications Corporation pòt divulgar es contenguts mès subergessents des tèmes de convèrsa deth fòrum, corrèus electronics, nòtes der editor e d'autes comunicacions der ODP en procèssi legaus que poguen implicar ar ODP. Açò vò díder qu'es contenguts deth fòrum, includit eth fòrum privat "meta", com tanben e-mail enviat ath personau d'ODP, poderàn èster enviats a representants legaus.

En tot contactar damb expedidors

A viatges serà de besonh comunicar-se damb bèth remitent sus quauque URL enviat, mès en generau çò de melhor ei mantier ath minim era correspondéncia damb eri se non ei qu'aguesti agen començat er intercambi. Jos cap de circonstància en cap comunicacion damb un expedidor non auetz d'actuar en nòm o representacion deth personau der ODP. Se i auesse quauque problèma damb un remitent, lo cau comunicar ath personau der ODP.

Se quauquarrés a contactat damb vosati en relacion damb problèmes legaus der ODP, cau contactar damb eth personau der ODP en staff@dmoz.org. Toti es problèmes legaus o preguntes seràn portats peth personau der ODP.
    

Abús ena comunicacion
Quaussevolh tipe de comunicacion relacionada damb ODP, damb eth sòn personau o damb d'auti editors a d'èster corau. A viatges, quauque usatgèr o editor se pòt comunicar a trauèrs de d'auti mieis diferents qu'eth dera foncion de comentaris ar editor. Ei un hèt que se produsís peth caractèr public deth directòri e, en usar Open Directory Project, es usatgèrs reconeishen aguesta possibilitat e renóncien a presentar reclamacions a Open Directory Project sus aguest tèma. ODP non empare aguest contacte ne recuelh cap informacion personau sus es sòns editors. Totun açò, cau tier en compde qu'eth contengut des perfils d'editor pòt èster consultat per d'auti editors o peth public generau. Se credetz qu'era vòsta privacitat o es vòsti drets personaus s'an violat de resultes dera vòsta associacion damb Open Directory Project, notificatz-ac ath personau d'ODP e balhatz ua relacion detalhada des incidents. Maugrat qu'ODP non a contròtle sus aguesti contactes, a còps poderam préner mesures entà esvitar-les.

Conflictes d'interès

Es editors pòden auer afiliacions comerciaus relacionades damb es categories qu'editen e pòden addicionar es sitis dera sua proprietat o sitis as quaus son afiliats. Totun, ei contrari as objectius e politiques der ODP qu'es editors addicionen sonque es sòns pròpris sitis o sitis afiliats, comprometer-se en remercar coma "plan interessants" o quaussevolha auta manèra d'autopromocion, o excludir e deishar en desavantatge un siti qu'apertengue as sòns competidors o damb era intencion de perjudicar-les. Laguens des accions inapropriades i son excludir es sitis des competidors deth directòri sonque perqué apertien ath competidor o, intencionaument, editar es sòns títols o descripcions de manèra que distorsionen eth sòn contengut o disminuïsque era possibilitat qu'es usatgèrs tròben o guarden aqueri sitis. Se li demane a un editor damb un possible conflicte que consulte damb d'auti editors quan era o eth creigue qu'ua decision d'edicion relacionada damb un siti d'un competidor pogue èster controvertibla.

Causes d'expulsion d'un editor der ODP
Es editors representen era anima d'aguest projècte. Totun, a viatges mos vedem obligats a retirar o limitar editors, a critèri nòste, per bèth motiu. Quauques ues d'eres pòden includir:

• EEr editor incomplic es normes.
• Incapacitat d'integracion laguens dera comunitat der Open Directory.
• Mala edicion.
• Comportament incivilizat damb d'auti editors, damb eth personau d'ODP e/o damb era gent qu'envie sitis.
• Violacion dera confidencialitat de corrèu electronic e telefons.
• Autopromocion - mercar un siti pròpri coma plan interessant o manipular eth sòn títol o descripcion entà melhorar eth sòn plaçament en motor de recèrca.
• Manipular es listats dera competéncia.
• Inscripcion abusiua spam en directòri

Tant era qualitat d'edicion com eth trabalh en equip son essenciaus entath benestar e eth creishement der ODP. Eth cambi d'editors se hè a critèri deth personau de DMOZ. A viatges non ei de besonh eliminar toti es privilègis der editor e sonque se le retiren quauques categories. Es editors Meta an era facultat de trèir-le categories a un editor. Es editors an de renviar quaussevolha decision d'aguestes ath personau der ODP.                                                            

Tietz en compde, se vos platz, qu'es compdes s'acaben dempús de quate mesi d'inactivitat.

Informacion sus es drets d'autor

En participar en ODP, e en consideracion dera facultat de participar-i, assignatz a Netscape Communications Corporation toti es drets d'autor e d'auti interèssi en materiau que se remet ath projècte (descripcions, corrèu electronic, messatges, organizacion deth directòri). Netscape aurà drets de non-exclusivitat entà tier e modificar aguest materiau.

Nòta: aguesta seccion ei en procès de revision.

Arren en aguesta guida non ei basa de cap d'accion legau en contra der ODP o Netscape Communications Corporation o cap des sues empreses afiliades, emplegats o directius. A cambi dera oportunitat de servir coma editor volontari, vosati acceptatz refusar quassevolha demanda relacionada damb eth vòste estatus o activitats coma editor.

Qu'ei critèri nòste determinar eth contengut e era estructura deth directòri. Podem refusar, eliminar o editar quaussevolh liurament d'informacion segontes eth nòste critèri editoriau. Aguesta guida e quaussevolha auta politica der ODP pòden èster cambiades en quaussevolh moment, damb o sense notificacion.

    Copyright © 1999 Netscape